由暴雪 Blizzard推出嘅第一身射擊遊戲《Overwatch》一直都有為遊戲角色推出線上漫畫、短篇故事去，講述角色加入《Overwatch》世界前嘅故事，不過講緊嘅都係十頁左右嘅短篇漫畫。而MenClub就收到獨家消息，Blizzard將會與「黑馬漫畫 (Black Horse Comics) 合作，為人氣角色「Tracer (閃光)」推出共5話嘅系列漫畫，有繁體中文版之餘第一話亦可以免費觀看，以下就係MenClub獨家披露嘅封面及第一話部份頁數。

呢套名為《鬥陣特攻：閃光—倫敦崛起 (Overwatch: Tracer - London Calling)》嘅漫畫由曾為DC Comics創作《Batgirl》及《Motor Crush》嘅美國漫畫家Babs Tarr，及艾斯納獎得主 Mariko Tamaki負責創作及編劇。故事講述「年輕時的閃光在家鄉的冒險之旅」，而根據MenClub收到嘅情報，第一集劇情係「「在捍衛者被解散的多年過後，世界陷入了不公不義的泥淖，任憑自私自利的強權宰割。雖然智械危機已經過了數十年之久，但擁有自我意識的智慧機器人「智械」依舊遭受到不平等的歧視待遇。這個世界再次需要英雄挺身而出，而英雄往往是從最令人意想不到的地方崛起的。」

據知成個系列會以月刊方式發佈，屆昤會於Black Horse Digital及PlayOverwatch網站上公佈，同時亦會推出實體版漫畫 (第一話實體版於12月2日上架)。同時遊戲內亦會舉行《閃光的漫畫大挑戰》，簡單講就係勝出對戰就有機會得到漫畫中會出現嘅Tracer造型。