如果你有睇開人氣日劇電影版信用欺詐師，咁全新一輯電影《信用欺詐師JP : 公主篇》大家應該會繼續追落去。無睇開都可以入場因為呢一集係已逝世的三浦春馬的遺作......相隔一年，信用欺詐師又搵到新水魚！欺詐三人組上集玩殘香港女帝，今次誓要反轉星馬

日本人的電影口味好特別， 而且佢哋十分支持本地創作，呢一點同海外其他電影市場非常唔同，信用欺詐師電影系列喺日本非常受歡迎， 情形就好似多啦A夢同埋名偵探柯南一樣，係日本國民精神糧食。今集全新《信用欺詐師JP : 公主篇》係日本又大收票房上到30億日元，當然論卡司的確是強勁，有長澤正美x東出昌大x小日向文世x小手伸也x 三浦春馬加埋徐若瑄x 關水渚x白濱亞嵐x古川雄大，真係巨星雲集 

笑中有淚的肯定係見到三浦春馬先生，這是他的最後一部電影遺作。今次部戲遠赴新加坡、馬來西亞以及浮羅交怡島拍攝，一貫迎合日本人鐘情的旅遊熱點。劇情？咪就係相隔一年，信用欺詐師又搵到新水魚！欺詐三人組上集玩殘香港女帝，今次誓要反轉星馬！我個人感覺信用欺詐師就好像香港的賀歲片，一年一部開開心心群星共聚環遊世界，不過又好自然覺得要入場支持下，就係咁簡單！ 

《信用欺詐師JP : 公主篇》10月8日香港上映 10月1日起優先場

其實真係有劇情簡介：

新加坡富豪胡雷盟突然離世，他竟然指定從未露面的私生女Michelle為繼承人！世界各地欺詐師聽到消息後蜂擁而至，達子（長澤正美 飾）當然也不會放過這條大魚！她從街上找來只識點頭的孤兒（關水渚 飾） 偽裝成Michelle，與少爺仔（東出昌大　飾）和理察（小日向文世 飾）相繼潛入胡家爭產。他們一邊要防備胡雷盟三名子女（徐若瑄、古川雄大、白濱亞嵐 飾）的暗算，另一邊要應付加入混戰的愛情騙子傑西（三浦春馬 飾）及仇人黑幫大佬（江口洋介 飾）﹗左右夾撃下，欺詐三人組能否成功扭轉大局、全身而退？