雖然男人係鍾意買啲動漫電影週邊，但相信唔少人都會認同，好多嘢買完返黎都係得個擺字。但以下呢Set由PLEX推出嘅《Star Wars》週邊就唔同啦，因為佢哋係一對車Cam！

呢Set車Cam有哂前後鏡。前鏡採用Death Star造型，配144度廣角鏡、200萬像素CMOS，可拍1080p高清片，後方亦有個1.3吋LCD Mon用作實時監控，左邊就有幾粒掣用黎操作。至於後Cam就用TIE Fighter作外型，鏡頭同前鏡一樣，但就冇咗個Mon同啲掣，亦加入G-Sensor用作監測碰撞或急剎車。

雖然兩隻嘅外觀都「膠膠地」，但我相信佢哋已經係市面上最有型嘅車Cam。目前於日本Bandai官網上有售，價錢為54,800Yen，即約HK$4,000。