講起日本男子組合「SMAP」，大家應該數得出成員包括中居正廣、木村拓哉、稲垣吾郎、草彅剛同香取慎吾，但大家未必知道最早期嘅SMAP其實有6位成員，而最後一位，就係於1996年為咗成為電單車賽車手而退隊嘅森且行，當年退隊之時，佢向Fans們承諾會成為日本最頂尖嘅賽車手，而到咗24年後嘅今日，佢終於兌現對Fans們嘅承諾，成為日本冠軍！

森且行於「Odds Park杯SG」嘅決賽中一起步就登上第二，中段短暫跌落第三，但前方兩名車發生意外退賽，森且行把握機會成為第一，並成功守住第一名完成賽事，首次奪得SG級賽事冠軍。森且利賽後於頒獎台上激動落淚，當被問終於贏到首次冠軍嘅感想時，佢就話「好開心終於可以完成當年嘅承諾，呢個冠係我欠咗朋友及Fans嘅」，亦話想與最支持佢嘅爸爸分享喜悅。

在 Instagram 查看這則貼文

森くんからまた涙を貰いました。 森くんと離れる事になった時の涙。 森くんと21年ぶりに会えた3年前の涙。 森くんが日本一のオートレーサーになった今日の涙。 2個目の嬉し涙をありがとう。 嬉し涙が寂し涙より多くなりました。日本一おめでとう！会いたいです！ #森且行 #香取慎吾 #稲垣吾郎 #草彅剛

香取慎吾（@katorishingo_official）分享的貼文 於 PST 2020 年 11月 月 3 日 上午 3:45 張貼

森君。おめでとうございます
なんて言ったら良いか分からない
夢。約束。果たしてくれて、
ありがとう！森君が一番、カッコイイ
兄貴です。 https://t.co/C6SqgLQjOV

— 草彅 剛 (@ksngtysofficial) November 3, 2020

而SMAP成員香取慎吾亦於IG及Twitter上傳與森且行、稲垣吾郎及草彅剛嘅合照，並留言指「森且行又搞喊我。1996佢退團時我喊過，3年前大家再見返我又喊，依家見到佢成為日本第一我又喊，多謝你令我流下兩次開心嘅淚水。恭喜你成為日本第一，約食飯啦！」而草彅剛亦於Twitter上轉發香取慎吾嘅貼文恭喜森且行，亦多謝佢完成當年嘅夢想與承諾。

稲垣吾郎則透過經理人公司表示，當年大家揀咗唔同嘅路，但依家都有各自嘅成功，希望森且行未來會更好；而當年陪住森且行向傑尼斯事務所提出退隊嘅SMAP隊長中居正廣，同樣透過經理人公司表示「恭喜你呀！你做到了！經歷咗咁多…你又曾經受過重傷，但我好慶幸你堅持落去！」令SMAP Fans們稱為「SMAP大團結日」。