八月分享過大陸名店「海底撈」吿「河底撈」商標侵權法院話告唔入案件居然有下集，海底撈近日被發現使出絕招一下子瘋狂註冊過千個商標，正如網友所言你想得出有機會的佢都搶先一步商標注冊「上海底撈」「黑海撈」「海底嘮」「池底撈」「渠底撈」「清底撈」「海底撿」「三每底手勞」等創意名稱，過千「商標申請中」，唔止佢其他品牌都紛紛跟風阿里巴巴真係註冊左阿里媽媽、阿里爺爺、阿里奶奶、阿里哥哥，總之就相關部門做死，網友笑死，有人批評此方式為另類「做秀」宣傳，實際上嬉笑背後以本傷人大規模壟斷所有名稱算唔算不公義？

近日，海底撈瘋狂註冊過千個商標成為內地一時熱話。8月我地已報導過相關「海底撈」吿「河底撈」商標侵權案，當時好多人開玩笑話要註冊形形式式的名稱對陣，估唔到「海底撈」果然說到做到，真係去瘋狂註冊不同名稱商標。唔止名稱，在10月9日和10月10日兩日仲申請了「大嗨、小嗨、中嗨、微嗨」、「大Hi、小Hi、中Hi、微Hi」「小嗨妹妹」、「乖小嗨」、「小嗨家」等45個類別各一個，共申請了360個！絕對係公司「未雨綢繆」式的壟斷操作，當然仲有可能係中國式嘅炒作！

更搞笑係除左海底撈，內地其他知名品牌都有相關做法擴大自己商標保護範圍，爭取將相近商標一網打盡。唔係我講笑，阿里巴巴真係註冊左阿里媽媽、阿里爺爺、阿里奶奶、阿里哥哥；老乾媽註冊了老乾爹、 老姨媽、老千媽；大白兔註冊了巨大白兔、巨白兔、金兔；小米註冊了藍米、黑米、紫米；星巴克註冊了星爸爸、新巴克、星星巴。外人睇落完全是痴線的瘋狂行為。

大家又有無比內地人更好的創意注冊連海底撈都想像唔到的名，調轉講大家有無侵權好名可以侵一侵大陸名牌的權？不過咁有諗頭駛咩野翻版侵權搵食？