2020年11月30日更新資訊：已確實《我的英雄學院》劇場版第三彈由長崎健司執導，黑田洋介編劇，馬越嘉彥擔任人物設計，林友樹作曲，動畫公司 BONES 製作。

《鬼滅之刃劇場版無限列車篇》電影票房大捷證明動畫足以改變戲院生態，《鬼滅》熱潮帶動下入戲院睇動畫大作唔再係小朋友專利，鬼滅之後再一下套可以引發港台日三地熱捧的動畫作又係咩野？近日日本《我的英雄學院》官方Twitter發表新推，疑似有劇場版第三部作品？以三巨頭作為故事主軸？《我的英雄學院》會唔會接到《鬼滅之刃》動畫熱潮呢？總之動畫迷以後可能唔止《男兒當入樽》、《龍珠》經典長存啦，而家要與時並進，日本動畫青出於藍累積經典。

《我的英雄學院》係日本其中一個歡迎作品，電視動畫第五季依然處於初期宣傳階段，官方三個Twitter帳號昨日以接龍文的型態公開全新資訊，內文為「HE WILL MEET ”THE THREE MUSKETEERS".」，雖然實際講咩未明朗，但好可能係指以三巨頭作為故事的新劇場版，引起「我英迷」憧憬嘩然。

作品第一部劇場版《我的英雄學院劇場版：兩個人的英雄》創下票房 17.2 億日元的利害票房，而第二部《我的英雄學院劇場版：英雄新世紀》疫情下5月都係香港上映左，同樣係原作者堀越耕平監修的原創故事。原作者堀越耕平講過話「此次（第二部）就是最後一部劇場版」，咁到底係咪今日《我的英雄學院》可以打倒昨日《我的英雄學院》推出第三部劇場版作品？

又有幾多人覺得《我的英雄學院》理論上票房可以紅過《鬼滅之刃》？？我的理解係各有各好啦！