有睇過《2001太空漫遊 (2001: A Space Odyssey)》應該都記得，故事中就係突然出嘅黑石板，教識猿人使用工具，並進化成人類文明。而據《CNN》報導，美國猶他州一班調查人員近日於發現沙漠中一塊與「黑石板」如出一轍嘅金屬板——但令大家失望啦，佢真係一塊板黎啫。

圖片：CNN

據《CNN》報導，呢塊金屬板係猶他州公共安全部嘅飛行部隊，協助野生動物資源部點算大角羊數目時意外發現，當時飛行部隊剛巧飛越呢塊令立立嘅金屬板上空。落機視察係發人，係一塊長10到12尺、「睇落似係特登棟喺到」嘅金屬板。當時調查人員亦即刻諗起《2001太空漫遊》嘅黑石板，仲講笑話如果塊板突然唔見咗就好快啲走。

猶他州公共安全部後來發出公告，表示唔知塊板係因為咩原因、邊個棟喺到，但就重申喺未經準許嘅情況下，於公共土地上安放任何建築物其實都係違法，而且為咗避免大家去湊熱鬧，就唔會公開金屬板嘅位置。而美國內政部土地管理局就話呢件事冇需要跟進。