《新世紀福音戰士》劇場版等左咁耐，終於好快就可以同大家見面，各位EVA Fans係咪等左好到頸到長?! 有見及此，小編特意為大家帶來這條足以令EVA迷瘋狂嘅影片!!

講到《新世紀福音戰士》入面最令人印象深刻嘅武器，相信必定係「朗基努斯之槍」，就係一支好似兩支鐵支扭成一支叉狀，故事當中「朗基努斯之槍」具有巨大嘅力量，能夠刺穿絕對領域，威力驚人。

作為Fans，相信你必定好想擁有屬於自己嘅「朗基努斯之槍」，而近日就有一隊外國狂人團隊，應網友要求親身製作實體版嘅「朗基努斯之槍」。

從片中可以睇到，團隊以打鐵、融合、再上噴漆，雖然唔能夠形容為完美，但確實係一把「朗基努斯之槍」，太強了!!