2020年，新冠病毒肆虐全球，令世界陷入混亂當中，近日外國疫苗有突破性發展，並開始進行測試，直指有效達95%。而另一邊廂嘅中國真係唔好話我話，仲更加犀利，因為佢地成功創造殺死新冠病毒嘅口罩！

所以話信政府唔怕！近日新聞指，中國安徽合肥市嘅盒子健康科技正喺度生產一款「高科技口罩」，唔單止可以喺無任何處理下任意重複使用60次，更聲言可以將新冠病毒全滅，嘩大佬，呢舖世界真係有救啦！

從相片睇到，盒子健康科技生產嘅口罩外型其實同普通口罩無咩分別，但正所謂做人切忌睇外表，根據官方說法，口罩材料入面含有殺死新冠病毒功能嘅活性金屬銅離子，聽到呢度係咪有啲似曾相識？咁似我哋香港政府豪擲幾億為香港市民帶來嘅銅心口罩嘅？！唔同我哋嘅香港母親一早已經為我哋帶黎最終武器？唔係喎，佢自己用用下都無再用啦喎....

講番人哋個「高科技口罩」，據指有來自香港大學新發傳染性疾病國家重點實驗室嘅測試報告，指口罩含有氧化銅聚丙烯紡粘非織造布材料，所以能夠一舉殺死新冠病毒。睇黎有左仍，世界今舖真係有救了！