日本史上最賣座電影寶座遇到挑戰，票房爭持激烈好像美國大選咁緊湊？宮崎駿作品《千與千尋》向來以308億日圓(22.9億港元) 穩奪首位，不過今年全國一片《鬼滅之刃》熱潮，目前《鬼滅之刃劇場版無限列車篇》票房已突破302億日圓(約22.5億港元)，只差6億就會超越成為冠軍，係呢個時候《千與千尋》忽然發力以「拜登式」計票法大增8.8億日圓票房。無錯！2001年的《千與千尋》疫情下日本重上，又多8.8億。不過《鬼滅》係唔會放棄，聖誕之後《鬼滅之刃》又再上映，誓要奪取票房總冠軍的寶座，到底去到一月邊個可以成為日本史上最賣座電影寶座？真係同美國大選一樣緊張。

《千與千尋》真係好利害，呢套2001年的大作原來係日本6月至8月期間曾經於當地戲院重映，19幾年的動漫電影居然都收到約8.8億日圓(約6600萬港元)，日本真係一個動畫王國。令《千與千尋》累積票房增加至316.8億日圓（約23.6億港元）。當然，後來者絕對強勁，《鬼滅之刃劇場版無限列車篇》依然有望可以繼續突破超越成為冠軍，尤其係聖誕後日本有82間戲院以MX4D及4DX上映，有望再刺激入場觀眾，遲早都會反超成為冠軍。