《Cyberpunk 2077》入面係搵到小島秀夫係某夜場客串一角，仲會四週圍問人有無玩佢的遊戲。果然，有趣的互動兩邊都有，小島工作室昨日確認《死亡擱淺》PC 電腦版與《Cyberpunk 2077》展開連動，《死亡擱淺》玩家可以係最新釋出的 1.05 免費更新之後，玩到 6 個同《Cyberpunk 2077》有關的劇情任務，外加解鎖Johnny Silverhand機械手臂配件等招牌元素。如果有玩電腦《死亡擱淺》的朋友記得更新！

所有內容將跟著《死亡擱淺》PC 版 1.05 免費更新即日釋出，內容包括：

 ■ 6 個包括《電馭叛客 2077》角色與劇情的任務。

■ 彈跳力提升的《電馭叛客2077》主題倒三輪車。

■ 全新的建築投影圖，例如：武士符號標誌和「創傷小隊」飛行車。

■ 「送貨員」山姆・布橋斯可以配戴的飾品、裝備，像是Johnny Silverhand的機械手臂等。

■ 全新駭客功能：山姆·布橋斯可以瞄準敵方機器並施加昏迷、停止移動等負面狀態。

《死亡擱淺》PC版仲做半價，不過我相信要玩的朋友應該都已經玩左。對於呢種唔同遊戲世界之間的互動，我係覺得非常有趣，正如當年龍珠動畫入面見到小雲同小吉，呢種互動係令人印象猶新。