音響喇叭同車一樣好多精致設計係一見傾心，尤其係具有復古美學的新喇叭，法國老牌音響廠Elipson最近推出一款全新價格實惠的復古型喇叭Elipson Heritage XLS 15，打算向6、70年代的經典熱門名器例如JBL 4312、Celestion Ditton 551或者Pioneer HPM-100等作出崇高致敬。XLS 15樣式古典採用三路分音設計， 胡桃木典雅木紋包住12吋低音單元大喇叭，前排氣孔加上可調式2db+-中高音增益，最重要賣價只係2萬樓下一對，絕對係音響界復古新活力。 

Elipson Heritage XLS 15喇叭用的係明顯嘅復古美感，加上法國人深思熟慮浪漫聲學設計， 聲色藝都係高質素享受。首先簡單講講Elipson呢個法國high end品牌，係法國現存活躍其中一個最古老嘅音響牌子，已經有近70年歷史，主要是生產高級Hi-End喇叭，為緊跟影音潮流，近年盛多大作係推出數碼音響導向的Elipson Planet無線球型喇叭。品牌敢於嘗試創新，做最初入市的數碼ball型無線喇叭到如今反其道而行優先推出復古喇叭，可見佢非常識得掌握潮流趨勢。

Elipson Heritage XLS 15同好多六七十年代經典喇叭外型一樣，前置喇叭氣孔，12吋大型紙盤低音‘’逗住‘’可調式增益嘅中音及高音單元，音箱由中等密度深厚木纖維製成，廠方經過內部加固限制不良共振，隨廠跟機傾斜底座方便用家直接安放地下即可聆聽，也可以加配Norstone短腳架使用，發揮最強聲效。相信發燒友第一眼留意到嘅係其設計，老一輩嘅發燒友好容易又回到當年，一個音響界美好平和的六、七十年代。喇叭外型設計精美質量無可挑剔， 胡桃木紋帶有非常逼真嘅紋理而喇叭正面則塗成黑色。 外觀真係匠心獨運！

老派的經典設計係主軸，故Elipson XLS15喇叭當然採用三分頻低音反射設計。主要優點在於整合一個直徑30厘米的紙盤纖維大型低音單元。這種“老派”成分應用既輕又剛性的震膜成為非常有效推動空氣發聲的利器。單元同原廠精選大線圈以及強大的電磁裝置相結合，可提供強烈而靈敏的低音。12吋大直徑確保Heritage XLS 15係非常低的頻率下發聲，最高可達40 Hz。反應深沉而迅速。Elipson將高音重現交由直徑為22mm的絲質圓頂高音單元。呢隻高音單體源自法國製造商的Prestige Facet系列喇叭的標誌性高音。聲學工程師選擇此高音，據廠方介紹係源於其出色的瞬態性能以及能夠對高達25 kHz的完美高頻控制力。 對於中音，Elipson Heritage XLS 15使用直徑55mm的球狀單元。中頻作為人耳最敏感的頻段呢對喇叭中頻聲音可以非常豐富，自然和清晰。玩家仲可以設整中同高音的增益，同過去老式經典的Yamaha NS-1000，Celestion Ditton 551，JBL 4312和Pioneer HPM-100一樣，通過電位器修正中高音可以為音樂重現帶來更大玩味同可能性。

Elipson Heritage XLS15將於1月上市，每對售價只係1,790英鎊左右。絕對係音響界的平民寶藏，擁有終極復古風格的Norstone腳加則以定價每對199英鎊。下年起有買就趁手。

Specification