利害了我的鄰國，韓國人係人造太陽方面領先全球，成功破世界紀錄。「韓國太陽」南韓核聚變反應爐 KSTAR成功將等離子體溫度加熱到一億度維持到20秒咁多成為全球最耐創舉。今次突破係全球核聚變科技競賽中重要的轉折點。全世界都積極研發核聚變發電，由35個國家合作的世界最大「人造太陽」法國ITER（國際熱核融合實驗反應爐）要2025年先開始運作測試，而且要歐盟、中國、印度、日本、俄羅斯、南韓和美國等全部齊心交出科技成果為人類共建核聚變科研，由今日到2025年個別國家如中國同韓國係呢方面發展又會行到幾前呢？暫時可以肯定核聚變的未來暫時係亞洲最先進，未來就睇法國的ITER，不過其實核聚變發電廠我細細個玩模擬城市已經一路用開！！

核聚變發電廠除左係遊戲模擬城市大家玩過，其實現實世界中仲係科幻小說橋段，有無可能成真為人類提供用之不盡的能源？咁就睇各國肯唔肯放低成見，互相交換科技。核聚變你係一種新技術，利用 1 億 5,000 萬度（太陽熱度的 10 倍）高溫，將兩個氚原子融合成氦原子，根據愛因斯坦質能互換方程式 E=mc2 融合過程損失的質量會釋放龐大能量，就唔會產生任何輻射污染。再講科學我頭就會變愛因斯坦，總之這項技術如果成功，將成為人類歷史一大創舉。

韓國係呢方面向來先進，2018 年南韓核聚變反應爐 KSTAR已經可以維持 1.5 秒、2019 年則延長 2 倍以上達到 8 秒，今年再進一步維持 20 秒，雖然離最後目標 300 秒仲有一段時間，但已經改寫世界紀錄 。目前世界上有多國正在研究核融合技術，但至今都仲未有團隊將等旗子體溫度維持 10 秒以上，已經達到正常導電裝置的極限，在如此高溫下長時間維持穩定狀態係極之艱難的事。

據稱南韓係 2020 年的實驗中，改善之前研發的內部傳輸障壁（Internal Transport Barrier，ITB）模式性能，並成功延等離子穩定狀態，克服了現有挑戰。其中內部傳輸障壁是指離子或電流傳輸放射狀地局部縮減，目前主要是透過外部裝置來修改電流型態，希望改善等離子體限制和穩定性，並驅動額外的自舉式電流。(我個頭又變愛因斯坦！)據知今次將離子溫度達到 1 億度20秒，係為成為將來高性能、穩定融合等離子的技術基礎。中國太陽要急起直追啦！