美國同加拿大2021 年版本的 Model 3 和 Model Y 最近陸續交車，但就陸續有車主收車後投訴嚴寒中壞暖氣，即馬斯克引以為傲的賣點之一透過熱交換方式的最新熱泵系統出哂事，暫時希望只是唔少個別情況而毋需啟動整批車次召回，否則，蝕車蝕錢事少，馬斯克之前仲話想利用專利熱泵系統進軍家用冷氣空調界別，今次真係大金冷氣公司上下鬆一口氣！

2021 年版的Tesla Model 3 及 Model Y ，都配備最新熱泵系統，透過熱交換方式取代傳統汽車空調，Tesla老闆馬斯克對此新專利設計曾引以為傲並作為電動車新賣點之一。不過，呢波新車剛交車，車主網絡就爆發出一波災情。在北美洲寒冷氣候下，有傳新車空調系統竟然停止供應暖氣，零下 10 度的情況真係死得人。這個問題大量發生係最凍的加拿大，美國與歐洲論壇都有部分車主都反映遇到相似問題，因為出事報告車型全都係新版 Model 3 和 Model Y，因此問題好可能出自新搭載的熱泵（heat pump）系統。

據網友轉述Tesla 維修人員的講法，目前發生問題的車輛，都係因為熱泵系統的某些部分，會產生異常結晶，進而阻礙感測器導致系統停止運作。目前Tesla 只能先幫出問題的車主更換部分零件，但暫時無法完全解決異常結晶的生成問題。假設呢個網上說法為真確，咁好可能表示不久之後Tesla 必然要啓動一批車次回收，處理呢一整批有瑕疵的熱泵系統。當然暫時未能確認係多數車都出問題而非個別案例。

當然好可能只係小量車主有呢個問題，畢竟以今年Tesla 總共交車 49.9 萬架計算，粗估有熱泵系統的車，約佔 25 萬架以上，大部分都係美國與加拿大交貨。但加拿大上年 10 月就出現過低於零下的低溫，如果真是設計本身瑕疵，當時就應該有類似狀況產生，目前無從得知實際有多少不幸車主遇到類似狀況。當然Tesla車造工畀好多車主的印象都係同無線新聞一樣，事事關心？

記得早排，Tesla老闆仲話想將heat pump 技術帶入家用空調市場，當時仲成功引發日本空調廠商一陣恐慌，大金空調仲出對策緊急應對，睇來大金冷氣可以暫時放下心頭大石，冷氣都係繼續買返專門做冷氣機的廠商穩陣。