《鬼滅之刃》最受歡迎嘅除左一眾主角感動人心嘅感情，同埋超高畫質之外，主角們用嘅武器 - 日輪刀，亦都係非常受Fans歡迎嘅物品。

當然，喺香港無可能帶把高仿嘅日輪刀出街，除非你好想比人拉啦，不過諗深一層而家話唔定反而帶刀出街唔會比人拉。

如果你唔想咁危險帶把1:1嘅日輪刀出街，但又好想要一把，咁不如睇睇以下呢把「日輪刀鉛筆」。

全套一共5款，由SUN-STAR文具公司將於今年4月推出嘅「日輪刀鉛筆」，包括: 竈門炭治郎、我妻善逸、栗花落香奈乎、富岡義勇及煉獄杏壽郎，每一把造型都非常精緻，甚至仲有專門嘅刀架，買左真係絕對唔會捨得用！