美國國會之亂特朗普被主流傳媒認為要負全責，於是各大線上線下社交媒體全部禁制特朗普，Twitter已將其帳號永久停用，唔止個人帳號，連取態同佢較為接近的新興社交媒體平台Parler同受株連。Google 同APPLE都已經將保守派社交媒體應用程式 Parler 下架，佢地認為Parler唔將任何試圖煽動美國暴力即撐Trump言論審核及過濾係萬惡不赦，連Amazon都關閉左Parler伺服器，總之而家邊個「暴力」就舉世不容，全球不恥情況尢如六大派圍攻光明頂，媒體明門正派同氣連枝，連中國《環球時報》都出來取笑話特朗普已經社會性死亡（Social death）。

Google 發表左聲明表示，佢地會暫時將Parler下架，直到開發者致力實施審核政策管控平台上令人反感的內容為止。Google 係聲明中表示發現Parler應用程式上持續出現試圖煽動美國暴力的文章。唔止google另一大戶蘋果公司（Apple Inc）同樣要求Parler作出審查不果後將Parler下架。蘋果聲明指出：「我們已將Parler下架，直到佢地解決呢個問題。」。根據路透社報導，好多特朗普支持者畀Twitter、Facebook等禁止使用平台服務後，轉移使用社群網站 Parler。於是Parler作為特朗普避風塘受到圍攻，唔止apple同google聯手，連亞馬遜網路服務（Amazon Web Service）都以同樣原因停止關閉Parler伺服器。而早前Twitter就有咁高調得咁高調宣布永久停用特朗普的帳號@realDonaldTrump。

Parler的CEO John Matze當然恨批Amazon、Google和蘋果三巨頭，佢話呢3家企業明知Parler選項有限，仍殺出重鎚協調行動，並擺明係特朗普遭其他社交媒體禁聲之際，作出最大傷害。Parler係貼文指出：「Parler有可能會係網路消失整整一星期，之後從頭來過。」而家Parler已經完全受壓，特朗普同佢班支持者想搵另一個避風塘恐怕都唔係咁易！到底特朗普有無可能係僅餘的時間同空間建構搵到自己的社交媒體新平台？