蘋果AirPods Pro 與 AirPods Max 除左潮到出水之外，你都唔好睇少佢音響性能的效果，話說只要將手機或平板升級到 iOS 14、iPadOS 14 以上版本就可以享受到空間音訊效果及動態頭部追蹤功能，試聽高階戲院一樣的環迴音響體驗，聲音猶如從四方八面傳來一樣。據說 Netflix都即將支援空間音訊功能，為 AirPods Max 用家係屋企靜靜地體驗戲院級環迴聲畫體驗，係咪又多個藉口入 AirPods Max，其實就算未有Netflix支援，就咁普通聽聲已經正到出哂水。

根據法國媒體《iPhoneSoft》報導指出，一位 Netflix 員工私下爆料，Netflix 公司目前正在積極開發令自家串流平台影音能夠針對 AirPods Pro 與 AirPods Max 空間音訊功能提供支援。根據該名員工的說法，Netflix 應該可以係今年春季前提供呢項功能的支援。據指出目前 AirPods Pro 與 AirPods Max 的空間音訊功能，只有係外國 Disney+與蘋果（Apple）自家的 Apple TV+內容可以享受到空間音訊功能，Netflix 的影音內容尚未即時支援。

不過大家唔駛太開心住，因為Netflix 就算將來可以開始提供空間音訊功能支援，到底是否全部用戶都可以享受到，定還是功能只會開放畀購買高級方案的會員先至能夠享受到空間音訊未有定論。期待空間音訊功能的耳機迷還是電影迷，買定AirPods Max 無得輸，最多我幫你問埋日本DMM FANZA會唔會都可以係未來開發提供到服務。