據美國國家運輸安全委員會 (NTSB) 調查，去年高比與女兒因直升機空難離世，意外原因可能係機師決定飛入雲層所致。

NTSB於報告中指出，機師Ara Zobayan雖然曾經接受只依靠儀器的飛行訓練，但事故發生時，當局只批准佢使用「Visual Flights Rules」，亦即機師全程都要能夠以肉眼睇到前方環境，而Ara Zobayan並無跟隨呢個指引，飛入厚雲層中令佢失去方向感及空間感，最終導致意外發生。調查員指Ara Zobayan曾向控制塔表示會攀升脫離雲層，但直升機實際上卻是向左下降。

圖片：Ara Zobayan

但報告亦指Ara Zobayan係一名富有經驗、往績良好嘅機師，所以問題並非出自其能力。NTSB估計佢之所以決定飛入雲層，可能係因為「自己畀自己嘅壓力」，而呢個壓力又好可能係因為佢與高比相識多年，關係親密，所以「渴望載高比到達目的地」，又或者「堅持計劃偏見 (Plan continuation Bias)」，亦即明知計劃未必最好，但因為就黎完成所以決定唔改。