龍珠主角悟空最經典的場面係咩野？相信係好多人心目中，悟空其中一個最讓人難忘的係佢自細就非常之食得，每一次當地球和平盛世時，除左修煉悟空就係不停食，而且無論在家定餐廳佢地會使用無限咁多碗同餐具，日本Bandai S.H.Figuarts 可動模型7月限定推出最新龍珠悟空肚皮第八分鐘飲飲食食套件，可以重現悟空極具衝擊力暴食場景，套件連一個可換悟空咀嚼狂食面部部份同包括全套家私大量食物同好多碗碟等餐具，龍珠迷玩開S.H.Figuarts 可動模型真係唔好錯過呢個開大餐機會！

撒亞人真係好食得，除左唔食埋碗碗碟碟檯面所有食物肯定一餐全殲，正常來講以悟空的食量應該同佢少年時好友彌次郎兵衛一樣咁身型才正確(疑似食哂仙豆個條友！)，不過悟空的運動量當然都好大，呢套飲食組件係近年我見過最有趣又唯一想報導的龍珠玩具，暫時已接受預訂並將於七月推出，價錢只需要3500日元（不含稅），不過要注意呢個套件唔包悟空模型，要有人你就要另外購置。

產品規格

全長：約200mm

材質：ABS，PVC製成