{ SKIP }
文:MenClub 摯樂  圖:互聯網
POSTED ON 01 Mar 2021
【創意好簡單】日本車站廁所低成本高效益食腦使用標示獲激讚

香港地簡單起個噴水池又話用5000萬,如果想係公廁整個電子使用標示系統一千幾百萬實無走雞。不過其實肯回到初心用智慧簡簡單單解決民生問題就要向日本人學下野,日本東京地下鐵有個車站公廁最近就因為貼心又簡單的標示設計獲得日本網民「激」讚賞,點簡單法?簡單到你覺得小學美術堂原來無白上。


疫情以來,全世界包括日本都講究「社交距離」,去廁所自然都要減少近距離接觸,如果地方狹窄最好都係睇清楚廁格無人先行入去,日本部份車站廁所係有使用亮燈設計去提示大眾廁格內有無人使用當中,不過係成本考慮之下,唔係所有車站廁所都裝上使用亮燈提示系統,東京都營地下鐵大江戶線的上野御徒町站最近就因為使用左全新自家創意設計的標示方式,簡單實用又低成本,成功引起關注受到讚賞。唔駛大興土林,認認真真花小小心機學下小學美術堂手功創作,就已經解決左個問題。每一間門上都有一個「×」的標示,當有人使用門關起來後,「×」的標示就會剛好覆蓋住原本數字下方的「〇」。然後就可以清楚分辨邊個廁所有人使用當中。當然呢個方法只適用於日本同當地廁所的構造同使用習慣,但讚賞的應該唔係方法有幾聰明,而是管理者有幾細心同利民。

聰明就係咁簡單,但聰明到盡頭的人唔係咁簡單,反而會花盡機心將事情複雜化謀取最大的功利,例如搞個「巨墩避雨亭」!



由鬼才導演Quentin Tarantino製作嘅《Once Upon a Timein Hollywood(從前,有個荷里活)》近日傳出開拍續集,但今次將由《Fight Club》導演David Fincher接棒執導,而QT只係負責劇本,Brad Pitt將會回歸主演。 ...
hobby
【影視】《從前,有個荷里活》宣布推出續集!David Fincher接棒執導、Quentin Tarantino操刀劇本
03 Apr 2025
經過多年等待,任天堂終於喺尋晚「Nintendo Direct」直播活動公開Nintendo Switch 2所有資訊,確定新機將於6月5日正式發售,香港售價為HK$3,450,詳情請細閱下文。 iframe width="560" height="315" src="https ...
hobby
【電玩】Nintendo Switch 2發布會懶人包!硬件規格、首發遊戲陣容、售價全曝光
03 Apr 2025