較早前，Nike推出全新鞋款Cosmic Unity，一對號稱係Nike史上第一對用上再生材料製造嘅實戰型籃球鞋，支持籃球嘅同時亦都可以支持環保！

Cosmic Unity係Nike Move to Zero（「零碳排」和「零廢棄」）計畫入面嘅首對籃球鞋，佢使用嘅再生材料達到至少25%，因此每一對籃球鞋對於地球嘅負擔亦可以大大減少。而其中底採用嘅全掌Zoom Air Strobel氣墊，能夠提供能量以及回彈反饋，對於展望未來嘅籃球員係再適合不過。

除左環保概念之外，今次Cosmic Unity嘅外型設計上亦非常花心思，可以感覺得到三種配色都好有大自然嘅氣息，就好似森林、空氣同水嘅感覺，呢種融入自然亦可能可以令你嘅籃球技巧獲得提升嘅契機。