大家有冇諗過，平時焊接用嘅「辣雞」（電烙鐵）竟然可以用嚟整野食？最近日本美食媒體「TERIYAKI」主編浜崎龍就去咗一間壽司店，見識到廚師點樣用「辣雞」燒魷魚。

北海道・札幌の人気寿司店「鮨ノ蔵」の姉妹店としてオープンした「弐ノ蔵」。鮨ノ蔵の名物であるイカをはんだごてで火入れする一品も。新たな札幌の人気店になるのも時間の問題かも。 pic.twitter.com/rK2qdAdYL2

— 浜崎龍(美味しい店が分かるテリヤキの代表取締役) (@ryu_hamasaki) February 26, 2021

據了解，呢間壽司店係札幌人氣壽司店「鮨ノ蔵」嘅姊妹店，呢道「辣雞」燒魷魚已成為該店招牌菜。從條片可以睇到，廚師用「辣雞」輕輕力咁燒條魚，令佢有少輕微炙燒效果。由於「辣雞」能提供比火槍更高溫及更精準嘅方向控制，需要一定技術先能夠駕御，所以並唔係每日都有機會見到廚師拎支「辣雞」出嚟燒。

廚師除咗燒魷魚，仲會用嚟燒其他刺身。（圖片截至：facebook@鮨ノ蔵）

呢種創意烹飪方法好快就被傳開，有部份人就讚廚師有創意，另外有啲人就擔心「辣雞」個鐵尖頭係咪由鉛製成，質疑食物安全性。店家就好快發聲明表示，已經搵咗專家確認「辣雞」頭不含鉛，而且已改成用不銹鋼頭，以防萬一。