{ SKIP }
文:MenClub 艾力克  
POSTED ON 10 Mar 2021

日本動漫《鬼滅之刃》風靡全球,劇場版電影《鬼滅之刃劇場版 無限列車篇》更於日本及各地大破票房記錄。不過主角炭治郎耳飾上嘅旭日旗圖案就觸動到唔少人神經,被指令人聯想到二戰日本皇軍。近日動畫版《鬼滅之刃》於韓國Netflix上架,引起韓國網民不滿,Netflix隨即推出「修正版」,將旭日旗改成為四行橫線息事寧人。

炭治郎旭日旗耳飾喺中國及韓國惹起爭議。(圖片截至:Netflix)

其實炭治郎旭日旗耳環唔係第一次惹引起爭議,電影《鬼滅之刃劇場版 無限列車篇》上年喺韓國上映前,就已經被指被指圖案帶有軍國主義象徵,加上原作者及製作團隊又發表過唔少右翼言論,當時有韓國網民就大罵《鬼滅》粉絲都係賣國賊,最終電影公司選擇修改圖案後上映。

《鬼滅之刃劇場版 無限列車篇》韓國版海報已修改旭日旗圖案。(圖片截至:edaily

而最近動畫版《鬼滅之刃》於韓國Netflix上架,所播出嘅竟然係日本原裝「無修正」版本,當然再次引起韓國網民不滿。據日媒livedoor報導,韓國民間組織「韓國網路外交使節團(VANK)」更要求Netflix加註「日本是戰犯國」,但Netflix只係好快手咁推出「修正版」,並無加註其他字眼。

「修正版」嘅耳環從旭日旗變成四條橫線。(圖片截至:livedoor

有趣嘅喺,現時韓國出版嘅《鬼滅之刃》漫畫仍然有旭日旗圖案,相信如果被韓國網友發現,好快又要推出「修正版」漫畫。

現時韓國出版嘅《鬼滅之刃》漫畫仍保留旭日旗耳環。(圖片截至:livedoor

資料來源:livedoor
《Spider-Man: Brand New Day(蜘蛛俠4)》預計在下月正式開拍﹐最近Tom Holland接受訪問時就透露,比起上集在疫情期間拍攝限制多多,今集將回歸老派電影製作方式,前往真實場景拍攝。 blockquote class="twit ...
hobby
【影視】Tom Holland透露《蜘蛛俠4》將回歸實景拍攝 格拉斯哥街頭變戰場
16 Jul 2025
上週多個外媒分別報導,指坐擁《Dune》、《哥斯拉》、《King Kong》等個IP嘅傳奇影業(Legendary Entertainment),有意收購擁有《John Wick》、《Hunger Games》、《Twilight》等系列嘅獅門影業(Lionsgate Studio ...
hobby
【影視】John Wick、哥斯拉將成一家人? 傳奇影業有意收購獅門影業
16 Jul 2025