{ SKIP }
文:MenClub 艾力克  
POSTED ON 17 Mar 2021

相信大家讀書時期都遇過唔少奇怪校規,例如冬天唔準著自己羽絨返學、唔準著校服喺街上食野、去廁所要填表等等。最近日本就有一條校規再度引起熱議,喺川崎市有小學唔準學生上體育堂嗰陣穿著內衣,換言之就算11-12歲初發育嘅女學生都被迫「真空」上堂。

事緣日本川崎市立小學有家長反映,學校要求學生上體育堂嗰陣唔可以著內衣,換言之當女學生換衫上體育堂嘅時候要除埋內衣,被迫「真空」上堂。事件傳出後,引起網民熱烈討論,日本電視台隨即展開追蹤報導。有匿名受訪者表示,有學校聲稱禁著內衣係為咗「鍛鍊肌膚」,而且更有男老師要求「確認女學生乳房開始發育」後,先批准著內衣上堂。

對此,川崎市教育委員會回應,由於著內衣上體育堂,出汗後會濕透內衣,又無咁易可以乾返(佢唔知有Sport Bra?),好容易會「攝親」,基於健康理由先出此下策。事情仍不斷發酵,代表家長嘅議員同川崎市教育委員會仲嘈緊,未知最後會唔會修改現時制度。

資料來源:Yahoo Japanlivedoor
第三集能否成事都要取決於《帝國驕雄2(Gladiator II)》表現,不過Ridley Scott似乎相當有信心,更表示《帝國驕雄2》係佢拍過最好嘅電影之一,動作場面亦比《拿破崙》更加浩大。 ... ... ... ...
hobby
【影視】第二集未上映已計劃續集!Ridley Scott正在構思《帝國驕雄3》
23 Sep 2024
雖然過往都有製作人使用iPhone拍電影,但用嚟拍過千萬美元嘅商業大片就真係第一次喇!
hobby
【影視】荷里活大片首例!《28 Years Later》全程使用iPhone 15 Pro Max拍攝
23 Sep 2024