《新世紀福音戰士》最新劇場版《新·福音戰士劇場版:│·》較早前終於喺日本上映，真係可以話係萬眾期待。而劇場版推出，亦當然代表住一眾周邊場商品將會陸逐面世，作為Fans嘅你當然就梗係心甘情願咁比佢劏啦。

一款由《新世紀福音戰士》官方商店「EVANGELION STORE」將會推出嘅「EVA STORE Original 綾波麗紀念水晶」，喺圓柱體嘅水晶入面有反轉左嘅綾波麗，並可以360度不斷旋轉，完美重現TV版嘅《福音戰士》片尾曲動畫《Fly Me to the Moon》，入面嘅綾波麗經典水中倒影。

水晶仲加埋七彩LED光效，售價暫定為11,000日元，預計於 2021 年 6 月下旬發售。