由Sucker Punch Productions開發製作嘅開放式世界遊戲《對馬戰鬼》大受好評，上年開賣至今銷量已經突破650萬套。Sony睇準機會，宣布Sony影業同PlayStation Productions將聯手製作《對馬戰鬼》真人版電影，並由《John Wick》系列導演Chad Stahelski負責執導。

《對馬戰鬼》改編自真實歷史事件「元日戰爭」，講述主角境井仁同佢舅父率領島上武士對抗元軍入侵，但係一場大戰入面武士大軍慘遭團滅，只剩低佢同埋舅父存活。主角為咗守護家園，決定放低武士包袱，化身成戰鬼對抗蒙古大軍。

早前被日本封為對馬島永久觀光大使、Sucker Punch Productions創意總監Nate Fox表示對Chad Stahelski非常有信心 ，認為以佢多年經驗加持下，絕對能夠生動詮釋境井仁刀光劍影嘅故事。雖然Sony目前未公布電影檔期，但考慮到Chad Stahelski可能要拍《John Wick 5》，加上疫情影響，應該無咁快有得睇。