面對香港的土地問題，閒時收工回家想聽下歌，家中空間唔太最好就係簡約方便小系統，日本人的All in one就最適合本地家居，Panasonic日本以Technics之名推出PMX802，外貌傳統卻具串流多媒體新型簡約音響小型組合。擺明實用主義先行，認真玩音響你等我換左層樓再講！

PMX802的設計小巧易於安放係書台上，主機包含CD播放器和DAB +收音機等傳統播放選擇，再配合一對細小三分頻喇叭仔喇叭帶有木箱具絲綢圓頂高音單元，通過Technics設計的主機具有新JENO放大器，足夠推動喇叭仔。

全機更內置Chromecast，WiFi，藍牙及Airplay 2連接，支援Google Assistant兼容性以及Spotify Connect。想用傳統玩法輸入仲有光學和AUX插位，可以同電視連動打開電視時自動開始系統播放。系統其中一個最實用功能係能夠使用Chromecast傳輸高解像度音樂，並支援Airable提供的Tidal和Deezer串流音樂體驗。當然唔少得USB插位直接播放音樂，可直播24bit/ 192kHz的FLAC檔案。簡簡單單買套機仔PMX802可以有銀色或黑色選擇，售價只係大約5500港幣。

想玩音響的朋友不妨定一定神想一想我屋企有幾多空間發揮音響，如果無咩空間買套All in one細機係實際方便好用！