隨住NFT興起， 引退後轉行做KOL嘅上原亞衣都玩埋一份。喺上星期就拍賣3張NFT作品，點知唔夠10日就賣晒，至少賺咗56,761美金（約44萬港幣）。

最近我收到很多NFT的請求求，所以我和一個設計師朋友一起創作了一個原創作品! 在這個作品中我投入了很多的愛。把這個作品刻在區塊鏈上，感覺很不可思議☺️https://t.co/5f3KFdUK6h#NFT @rariblecom

— 上原亜衣⭐︎ミスiD2021エントリー中 (@ai_uehara_ex) March 22, 2021

上原亞衣近年熱衷於加密貨幣，不時喺社交平台上大談「幣經」，成為新生代幣圈KOL。隨著NFT興起，佢就喺3月22日推出3張NFT作品，分別係「Splash（飛濺）」、「Mosaic（鑲嵌）」以及「 Love（愛）」，並以中英雙語解釋作品「我相信比特幣的崛起和美好的未來。我在區塊鏈上刻下了我永恒的精神和愛，祝福這幅作品的主人好運。」唔通亞衣都深明潛在顧客係邊個國家嘅人？

（圖片截自：Rarible）

據交易平台Rarible資料顯示，「Splash（飛濺）」、「Mosaic（鑲嵌）」以及「 Love（愛）」，分別以9ETH、2ETH及20ETH賣出，共獲得31枚ETH（以太幣），按照截稿前ETH售價為$1,831美金一杖，亞衣總共賺咗$56,761美金（約44萬港幣）。當中「Mosaic（鑲嵌）」嘅買家，更以入手價120倍，即240ETH（約$439,440美金）轉手拍賣，不過有無人接貨就唔知啦。

我的NFT作品 「Ai HODL Bitcoin (愛)」以20ETH的價格成交。我很高興它值得這麼多。我現在正在準備我的另一個系列的NFT藝術作品，希望你也會喜歡☺️????https://t.co/pLkAU4M5eR#NFT @rariblecom

— 上原亜衣⭐︎ミスiD2021エントリー中 (@ai_uehara_ex) March 31, 2021

根據作品信息，3幅作品其後每次交易都要畀返10%版稅亞衣，所以如果個位以240ETH出售嘅人兄成功賣出，亞衣將會獲得24ETH（約$43,944美金）。難怪唔少網友都留言叫亞衣唔使復出拍片，賣NFT都夠搵。而亞衣亦話準備緊新系列NFT作品，希望到時大家會鍾意喎。