最近日本網友發現，喺秋葉原䇄立多年嘅AKB48劇場廣告板竟然被中國遊戲《原神》取代，唔通象徵緊一個時代嘅終結？

對於非AKB48粉絲嚟講，AKB48睇落可能同其他日本女團差唔多，但事實上有好多因素令佢哋能夠成為行業翹楚，其中一個重點就係現場表演。當佢哋唔巡演嗰陣，就會喺秋葉原AKB48劇場定期舉行公演，相比起體育館及運動場等大型場地，AKB48劇場更似一個連結粉絲嘅私密空間。由於當初無人諗到AKB48會咁成功，所以劇院規模相當細，位於秋葉原DONKI八樓，佔地670平方米，僅能容納250人，每次公演都一票難求。

而大廈外牆嘅「AKB48劇場」廣告板更䇄立多年，成為秋葉原著名地標之一。但最近日本網友就發現，廣告板竟然換成中國遊戲《原神》。

いつのまにか秋葉原のドンキは原神仕様になってますね。 pic.twitter.com/KKDNTw68p9

— 秋葉原ベースキャンプ (@akihabara_bc) April 6, 2021

秋葉原のドンキホーテ壁面がAKBからGSN(原神)になってますね。 #akiba
柏木由紀さんが今後もアイドル続けるみたいなニュースを目にしましたが、地盤沈下を凄い感じる。 pic.twitter.com/iRp7UHUfxI

— おすぎさん (@meron1125) April 6, 2021

翻查劇場時間表發現，今年1月及2月日曆幾乎空白，只喺1月1日有一次公演，可能因為咁所以索性連廣告板都唔續租，交由《原神》取代。加上《原神》近年搵咁多錢，就算喺競標入面贏AKB48都唔出奇，又或者係AKB48覺得團隊已經夠出名，所以唔使打廣告。不過，無論出於咩原因都好，相信唔係AKB48粉絲嘅人，之後經過呢個「聖地」都唔會知AKB48劇場喺入面。

資料來源：はちま起稿