{ SKIP }
文:MenClub 魏文青  
POSTED ON 13 Apr 2021

香港娛樂圈素來充滿門戶之見,唔係自己人唔好講出樣合作,連提下個名都有人覺得益咗你。不過隨住近年大家「睇Youtube」多過「睇電視」,香港娛樂圈嘅未來亦應該會由Youtube創作者們帶領,而香港Youtube界似乎就冇呢啲門戶之見。

早前由《試當真》游學修牽頭,搵黎另外三個香港著名Youtube頻道《小薯茄》、《啱Channel》及《FHProduction (熊仔頭)》合作,雖然未知究竟合作做啲咩,但今日四個頻道以及演員們都Post出「曬馬」大合照,已經令人期待。

在 Instagram 查看這則貼文

游學修 Neo Yau(@neoyau19)分享的貼文

上排左起

「尷尬哥」Louis、游學修、「混血肥仔」曾達恩、高Ling、熊仔頭、蘇豪

藍仔頭、許賢、林家熙 (Locker)、鄧博軒 (Vectra)、岑珈其、蝦條哥、程人富

陳苡臻 (Jessica)、米露迪、阿冰、葉芊蕙、林呈風 (Bie)、麥欣童 (Sue)、倪安慈 (Kathy)、「九龍皇帝」嘉盈

樊沛珈 (阿Gi)、陳穎欣 (Yanny)、劉展翹 (Jackie)、杜以辰 (小喬)、蔡曉童 (童童)、阿Me、鄧麗英、Santis Chan

游學修於昨晚率先Post出大合照,四台加埋近30位演員聚首一堂,堪稱人才濟濟,更重要嘅係幾乎個個你都講得出名 (男演員我唔敢講,但班女嘅你都唔識就真係幫你唔到),星味比起某大台台慶更足!游學修於發文指:「本土娛樂的新浪潮,講就講咗好耐,自己俾人叫新演員叫咗五年,說穿了就是一代人無法向上爬。直至2021年,不論歌、影、視、網,每天的新聞都告訴你,改朝換代真的要開始了,不管你預備好未。」

在 Instagram 查看這則貼文

Pomato 小薯茄(@pomatohk)分享的貼文

而《小薯茄》亦Post出同場另一合照,並提供是次「四台合作」嘅更多詳情,指4月20日晚上七點半開始,四台將會以 《啱Channel》、《FHProduction》、《試當真》、《Pomato 小薯》嘅順序於YouTube開Live。

《試當真》、《小薯茄》、《啱Channel》及《FHProduction》皆以Youtube短劇起家,亦曾製作不同類型綜藝節目。四個頻道嘅演員亦曾參加ViuTV劇集又或電影演出。

Robert Downey Jr. (RDJ) 以及 Ryan Reynolds都係充滿個人魅力及性格嘅當紅演員,不過或者就係因為佢哋太有性格,所以近日就傳出二人於《Avengers: Doomsday》嘅片場中炒大鑊,甚至要Marvel介入先平息事件。另一方面 ...
hobby
【影視】網傳RDJ與死侍於《Doomsday》片場炒大鑊 消息人士闢謠:「佢兩個都無見過面」
28 Aug 2025
1 最近一款以港式警匪片為題材嘅雙人合作遊戲《港警成雙:來自城寨》公開首部預告,除咗還原出舊式唐樓、九龍城寨、霓虹街道等香港特色場景,仲要有爆晒粗嘅粵語配音對白,而且兩位主角仲有啲似甄子丹同劉德華... ...
hobby
【電玩】 雙人合作遊戲《港警成雙:來自城寨》預告公開 港產警匪片劇情+粵語配音+港式武打
27 Aug 2025