近十年啲手機愈做愈好，如果唔使追求更高畫質，用手機影相已經夠應付日常需要，對於喺智能手機年代出世嘅後生仔嚟講，可能從來都未用過相機影相。最近有日本網友發現，有（同）無用過相機嘅人揸住手機影相嘅姿勢大有不同，分分鐘會暴露自己真實年齡。

細かすぎて伝わらないかもだけど、物理カメラ使ってた層は左の撮り方をするが、こないだ初めて気づいたけど18歳とかは右の方法でスマホ固定してた。そしてこっちの方が撮りやすい。レンズに重ならないし当たり前っぽい。。。 pic.twitter.com/sIDH7spXwM

— ぴっだか (@pddk) April 10, 2021

一位名為「ぴっだか」嘅網友發現用過相機嘅人，會無意識地驚擋住鏡頭（正常相機鏡頭喺中間）而選擇用（左圖）嘅姿勢影相。而18歲左右嘅人，多數以（右圖）嘅姿勢影相。佢就推論由於大部份後生都未用過相機，所以先會用（右圖）嘅方法影相，立即引起網友們熱烈討論。

大部份網民都留言話（右圖）方法真係會穩定啲，小弟自己都實測過，確實無咁易手震，尤其係拍片嗰陣。不過亦都有18歲嘅網友表示雖然從來無用過相機，但都會用（左圖）嘅方式影相。唔知大家又有無見過後生一代係用（右圖）嘅方法呢？

資料來源：yahoo japan