電子支付隨住科技發達逐漸變得普及，好多時候靠一部手機同幾張卡就足夠應付日常所需，但估唔到快捷便利背後會帶嚟另一個令人哭笑不得嘅問題。最近有位日本小學老師喺課堂上問一條數學題「用$100買$32糖果，應該要找幾多錢？」學生們竟然第一時間反問老師「咩叫找錢？」，令老師非常震驚。

2年算数［48円のガムと、32円の飴を買います。100円出すとお釣りはいくら？］

ほとんどの子が分からなくて。

「親とお買い物行く？？」

よくよく聞いたら、おつりの概念が無い。PayPayで払う、ピッする…

教科書も変わらなければならない時代！？いやいや、お釣りを知らないのはまずい？！驚く私。

— さよえ (@Girrafe24) October 7, 2020

老師後來解釋好多家長都用電子支付，更會為咗方便管理小朋友支出，而選擇用電子錢包轉帳方式畀零用錢小朋友，所以大部份小學生幾乎未接觸過現金，仲有學生以為「找錢」係店員送錢畀客人咁解。

本日4/12放送「切符買えないＩＣカード世代」、Suicaが登場したのは20年前。生まれた時からICカードがあるので切符の買い方がわからない若い方もいるそうです。
ＪＲ東日本によると、毎月数件、１０～２０代の利用者から「きっぷの買い方」について問い合わせがあるそうです。#切符買えない pic.twitter.com/HmW8Hswb2N

— 羽鳥慎一モーニングショー (@morningshow_tv) April 12, 2021

其後朝日電視台晨間節目《羽鳥慎一モーニングショー》就以「無法買票的IC卡一代」為題，探討時下年青人現金使用狀況。當中訪問咗多位10幾20出頭嘅年輕一代，問佢哋知唔知點樣買車票。點知大部份人都話平時搭車用Suica卡（類似八達通嘅IC卡），所以從來未買過實體車票，更加唔識用售票機。