如果要數叮噹....阿唔係，係哆啦 A 夢先岩，最為人所認識嘅歌，相信唔使我多介紹，基本上係人都識：「人人期望可達到....你睇叮噹黎啦...」。而一首咁多人識嘅歌，你又知唔知係邊個作嘅呢? 相信都無咩人知架啦，佢就係菊池俊輔。不過可惜嘅係，呢位作曲家近日因為吸入性肺炎離世，享年 89 歲。

菊池俊輔出生於昭和 6 年，喺日本大學藝術學部學習作曲，昭和 36 年以電影音樂出道。曾獲得第 6 屆日本電影學院獎優秀音樂獎、第 57 屆日本唱片大獎功勞獎。而佢創作嘅歌曲入面最為人所熟悉嘅歌曲，相信就一定係《哆啦 A 夢之歌》，呢首係朝日電視台版《哆啦A夢》動畫嘅片頭歌，歌曲由1979年到2005年期間一直播放。

而除左《哆啦A夢》之外，其實菊池俊輔亦都創作過唔少動畫經典主題曲，其中包括：《蒙面超人》《IQ博士》等。