2020年全球受到疫情影響令唔少人叫苦連天，但卻有一啲行業逆市向好，其中就包括電子遊戲。近日，任天堂公佈2020年業績，表現相比2019年有著巨大嘅升幅。

任天堂公佈2020年業續，其營業額相2019年增加 34.4% 達到 1 兆 7589 億日圓，其中遊戲主機軟硬體佔 1 兆 7000 億日圓，利潤則大幅增加 81.8% 達到 6406 億日圓，純利潤升幅更達到 85.7% 去到 4803 億日圓(343億港元)，認真誇張！

而數數最為任天堂帶來進帳嘅當然就係手提遊戲機Switch，其主機於2020年銷售量達到2883萬部，增長37.1%，當中Switch為2032萬部，Swithc Lite則佔851萬部。

遊戲方面，Switch於2020年期間推出多款遊戲，其中最受歡迎嘅就係《集合啦! 動物森友會》，一共賣出2085萬套，而緊隨其後嘅就係2017年出街嘅《瑪利奧賽車 8 豪華版》，銷售量為1062萬套，加埋其他任天堂於2020年一共賣出2億3088萬套Game，增長達到36.8%。

唔知你又擁有幾多套Switch嘅遊戲呢? 最愛嘅又係邊一款呢?