如果要數影帝湯漢斯最令人印象深刻嘅一套電影，相信《劫後重生》絕對係其中之一，成套電影大部份時間都係得佢一個人演，係其大Show演技之作。而繼去年同Apple TV+合作推出電影Greyhound後，湯漢斯再次同對方合作推出未來版《劫後重生》-《Finch》。

《Finch》故事背後講述，地球剛經歷完太陽風暴災難，方角湯漢斯飾演機械工程師 Finch，係呢次災難少數嘅生還者，而佢隱居於地洞長達十年，只係能夠與愛犬 Goodyear 相依為命。其後佢創造出一個機械人，目前係等佢過身之後仍有人可以照顧愛犬；一個男人、一隻狗、一個機械人，當中探討生命嘅價值及存在意義。

今次《Finch》相信可以令影迷回想起 21 年前嘅《劫後重生》，同樣係講述一個人於絕望困境中不屈不朽求存，並將一個排球想像成好友「Wilson」終日作伴嘅勵志故事。唔知呢套《Finch》會唔會又可以成為湯漢斯嘅另一經典呢?