{ SKIP }
文:MenClub 艾力克  圖:互聯網
POSTED ON 23 Jun 2021

情侶之間少不免會嗌下交,大部份人都會選擇分開一陣,等大家冷靜落嚟再傾返件事。不過烏克蘭有對情侶就反其道而行,為咗挽救感情忽發奇想用鐵鏈鎖緊彼此,無論食飯、沖涼、瞓覺更甚至返工都一齊。可惜計劃並冇如願以償,兩人經歷完123日「連體嬰」生活後,最終宣布分手收完,本來計劃好嘅結婚大計亦無疾而終。

綜合外媒報導,33歲嘅Alexander Kudlay同29歲嘅Viktoria Pustovitova喺今年情人節開始用鐵鏈鎖緊彼此,自此兩人就好似「連體嬰」咁生活,生活大小事都會一齊做(我比較好奇佢點著衫),Viktoria會陪住從事汽車零件銷售工作嘅Alexande返工,而Alexande都會陪住做美容嘅Viktoria幫客人整假睫毛,並透過Instagram分享佢哋嘅「甜蜜」生活,兩人喺外人眼中就係一對如膠似漆嘅情侶。

當然事情並非一帆風順,除咗Viktoria去女廁嗰陣會非常唔方便,亦因為Viktoria被鎖鏈磨損手腕搞到發晒炎而差啲提早中止實驗,不過佢哋就冇理醫生建議,戴上手套後就繼續實驗。

去到5月19日,佢哋已經綁埋一齊嘅日子已經遠超原定嘅3個月,更宣布打破埋烏克蘭同世界記錄,成為世上鎖得最耐嘅情侶。當時佢哋表示打算要鎖到結婚為止,希望透過呢個行為成為KOL賺幾百萬,並將其中一部份錢捐畀善機構。

隨住時間一日又一日咁過去,兩人感情開始再次出現矛盾。Alexander透過Instagram表示「困難就好似滾雪球咁增加,每當我發現一個優點時,就會即刻出現兩個缺點。Viktoria想回復過往嘅生活,佢好掛住曾經熱愛做嘅事。即使我話『我哋可以一齊去做』但佢似乎就冇咩反應。」同時Alexander亦承認自己已經厭倦喺Viktoria旁邊睇住佢化妝,好努力咁抑制自己情緒,避免大家嗌交。

可惜經歷123日,兩人最終喺6月17日決定分手收場,隨住鐵鏈被剪開,兩人正式擺脫對方,Viktoria立即大叫「萬歲,我終於自由!可能過獨立生活!」而Alexander就表示多謝大家支持,好開心自己人生有過咁嘅經歷。

雖然呢個實驗有啲極端,但兩個人太過親密確實會發現對方好多缺點,就好似你當初都估唔到原來另一半會「撩鼻屎」或者生活上有其他乞人憎嘅習慣,唔知大家又點睇呢個實驗呢?

資料來源:Daily Mirrordailymailinstagram@sashaplusvika

經典動作飛車電影《狂野時速(Fast Furious)》系列即將迎來最終章!Vin Diesel日前向Fans透露,《狂野時速11》預計在2027年4月正式上映,而且由已故演員Paul Walker飾演嘅角色Brian O'Conner將與唐老大(Dominic T ...
hobby
【最終章】Vin Diesel證實《狂野時速11》在2027年上映:Brian O'Conner將與唐老大重聚
30 Jun 2025
唔知美國版《魷魚遊戲》會玩咩童年遊戲呢? ***注意:以下內容含《魷魚遊戲》第三季劇透*** * * * * * Netflix人氣劇集《魷魚遊戲》第三季在日前正式播出,歷時4年嘅故事終於迎來大結局 ...
hobby
【影視】消息指David Fincher將執導美版《魷魚遊戲》 預計2025年12月開拍
30 Jun 2025