擁有一艘遊艇可能可以顯示你嘅財力，可以帶住你喺海中暢遊，感受自由。而以下落黎嘅呢部遊艇，其使命就大得多，因為佢將堅負起進行氣候變化分析，佢就係岩岩亮相嘅怪物級遊艇 - 「Earth 300」。

「Earth 300」由Iddes Yachts 打造，造價達到7億美元，係一艘核動力遊艇，全長300m，最寬處達到 150m，佢可以容納 160名科學家、165名船員及40名賓客，遊艇將成為科學家們研究氣候變化及地球環境破壞嘅移動式研究中心，遊艇中含有大量AI技術、量子科學等等。

而全艘遊艇最吸睛嘅相信就係船尾嘅巨型黑色球體「Science City」，據指呢個好似《殺戮都市》黑球嘅球體，就係專門為科學家們服務的，並且係想令人聯想到地球。

作為環保計劃嘅工具，「Earth 300」當然係實現全船動力零排放啦，而如果想上去睇下呢艘怪物級環保遊艇都唔係咁易，入場費係要300萬美元....