由Naughty Dog所製作嘅《The Last of Us: Part II》評價兩極，雖則隻Game喺媒體間有著極高評價，但就因為劇情同角色設定遭到大量玩家炮轟，指控遊戲過於政治正確。近日《最終幻想》系列導演及編劇、《最終幻想 7 重製版》總監「鳥山求」亦都發表個人睇法，對遊戲LGBTQ+角色刻劃讚不絕口，認為《TLOU2》為遊戲界樹立標竿。

最近「鳥山求」接受外媒The Gamer訪問時表示，《TLOU2》將多樣性（diversity）貫徹到用戶界面直到遊戲結束，諗下都覺得花咗唔少成本，但就因為呢番努力，令遊戲非常出色，同時為遊戲界樹立標竿。佢亦表示透過對LGBTQ+包容嚟表達多樣性，對每一個創作者都同樣重要，唔單止係遊戲製作人。

《最終幻想 7 重製版》Honeybee Inn情節。（圖片截自：youtube）

查實《最終幻想 7 重製版》入面嘅「Honeybee Inn（蜜蜂之館）」一幕，主角Cloud走入風俗店化身成女裝同店主共同熱舞，就體現出開發商SQUARE ENIX對多樣性嘅重視，或者將來《最終幻想》系列會加入更多LGBTQ+元素。