人總係鐘意玩死自己，呢個係史上最難玩的《俄羅斯方塊》，由電腦AI運算用來玩「殘」人類，現時世界紀錄最強的人只能消除31行，呢個《「惡」羅斯方塊Hatetris》就係為左挫敗你志氣，如果你或你朋友一朝得志覺得需要少少挫敗感，過來挑戰一下世上最難的俄羅斯方塊，按入有Link可能隨時玩！

 世界紀錄都只能玩到減31行！我玩減到零行！

講起《俄羅斯方塊》應該無人唔識玩，原來呢種野係1984年由俄羅斯人Alexei Pazhitnov創造。最初係街機機鋪玩，後來再由家用機到電腦到如今幾乎所有平台上玩到呢個經典的砌方塊遊戲。目前《俄羅斯方塊Tetris》仍然係歷史上最暢銷的電子遊戲之一！至於今日介紹的非一般《俄羅斯方塊》，而係最近係外國網絡興起，一個被稱為史上最難玩的《「惡」羅斯方塊Hatetris》，原因好簡單，根本就難玩到玩唔到。

其實呢個《「惡」羅斯方塊Hatetris》非新遊戲，係10年前已經創作左出來，話說當時有個程式設計師為左要讓大家戒除俄羅斯方塊帶來瘋狂上癮感，於是乎就設計左史上最難的《「惡」羅斯方塊Hatetris》，而且截至今日仍不斷地更新原始碼，透過AI運算繼續《「惡」羅斯方塊Hatetris》目的正正係玩死你，目前最強的世界紀錄僅消取左31行，係七種的方塊中，令人厭惡的S與Z方塊係瘋狂咁出現，到底呢個遊戲多幾變態？你打開連結自己玩下就明~

https://qntm.org/files/hatetris/hatetris.html