玩音響建家庭影院甚至錄音室，隔音從來都係一門學問一個大難題，見好多達人貼到全房黑漆漆隔音棉，睇落都覺得唔美觀，買聲學吸音板又價格高昂。瑞典馬爾默大學（Malmö University）通過科學方法提出一個極簡單平價方案，將房內普通螺絲釘替換成聲學認證的彈簧螺絲釘，據說即時減少9分貝。就算唔係錄音室一般家庭老爺奶奶訓鄰房，用左呢個隔音彈簧螺絲釘叫破喉都唔會尷尬！科學真好

瑞典馬爾默大學（Malmö University）最近提出一個可以降噪隔音的新方法，而且絕對比其他方案平價。就係用一種全新設計但簡單的彈簧螺絲釘。團隊稱之為革命性吸音螺絲釘（The Revolutionary Sound Absorbing Screw），用左佢就唔駛買隔音物料都可以減少噪音加強隔音。聽落好像瑞士山區肺，但其實此設計大有聲學原理支撐！

「革命性吸音螺絲釘」祕密在於結構，分為三層分別係底部螺紋、中間螺旋彈簧（coil-spring）以及頂部平頭三結構。將屋企的螺絲釘替換成新型彈簧螺絲釘後，螺絲釘會係牆面和螺柱（stud）提供彈性連接，吸收空氣中大部分的聲音與撞擊。一般的建築當牆身石膏板釘上木板，一般情況下大多數螺絲釘都會完全旋入木板、將木板牢牢固定係牆上，不過呢種新型彈簧螺紋螺絲釘會係木板與牆上留下一個幾釐米的縫隙。若鄰居或隔離房間有噪音，聲波試圖進入房間，螺絲中間的彈簧會限制牆內的震動傳遞，因此不會有太多聲音入到房。

根據瑞典研究院（Research Institute of Sweden，RISE）的吸音測試，可以將聲壓級減少 9 分貝（通常 3 分貝已好有用），團隊係髮廊天花板測試時，結果也符合預期計算。目前團隊除左係 RISE 進行吸音測試，亦同時係英國聲音研究實驗室（The Sound Research Laboratories in UK）、丹麥科技大學試驗，並於瑞士隆德大學試驗彈簧螺絲釘的強度與剛度等機械測試。

據說呢款彈簧螺絲釘已經係澳洲、加拿大、中國、丹麥、英國、芬蘭、挪威、美國和瑞典取得專利，同時獲得瑞典新創機構 Vinnova 和 Innovation Skåne 支持，目前更已經係瑞典上市。馬爾默大學資深講師 Håkan Wernersson 表示，雖然呢個產品對比起一顆普通螺絲釘來講，初期價格實在係非常之貴，但如果將其它當成隔音系統，卻相當便宜，且成本也將隨著數量增加而降低。咁到底有幾貴呢，大家可以拭目以待！

https://www.akoustos.se/contact-us.php