{ SKIP }
文:MenClub 艾力克  
POSTED ON 15 Jul 2021

《生化危機 村莊》自今年5月推出以嚟,一直有人表示PC版會經常出現「疾機」情況,相反家機版本就冇呢個問題,令唔少PC玩家感到苦惱。最近有玩家就上載咗一條「Steam正版 vs 盜版」嘅比較影片,發現盜版遊戲畫面竟然比正版更加順暢,真係好似某富豪話齋「假貨質量比真貨好」。

從對比影片可以見到,大部時間盜版幀率都高於正版,能夠穩定以60Fps運行,甚至某啲場景仲會高於正版近40Fps。遊戲破解團隊EMPRESS就表示,因為CAPCOM喺PC版《生化危機 村莊》所用嘅防盜機制Anti-Tamper V3同埋版權保護軟件Denuvo會大幅影響遊戲效能,所以盜版先會比正版順暢。

正版同盜版幀率差距最大可以去到40fps。

雖則盜版比正版順暢,但絕對唔應該支持所有盜版行為,而且盜版遊戲可能會有電腦病毒,造成玩家個人資料外洩,甚至偷偷地植入挖礦程式,等電腦無意間幫黑客挖礦。更何況就係因為盜版行為猖獗,遊戲商先犧牲遊戲性能加入各種防盜機制,如果冇人玩盜版亦都唔會有今次事件。對此,CAPCOM發言人就表示公司已經著手調查PC版性能問題,希望佢哋可以諗到點防盜得嚟又唔影響遊戲性能啦,咁樣對日後推出嘅遊戲都有處。

資料來源:PC Gamer
Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025