據報Netflix 將會致力發展全新玩意串流影視加遊戲，公司剛係人力資源方面落手聘僱一名前 EA 與 Facebook 高層 Mike Verdu過檔做遊戲開發副總裁，呢位人兄曾主導 EA Mobile 手遊事業，並係 Facebook 協助開發者將遊戲內容帶入 Oculus 的 VR 虛擬實境平台。傳Netflix最快會係明年內提供遊戲內容，試圖帶領新一波遊戲與串流影視整合的全新體驗，最緊要唔駛額外收費！講多無用到時再睇睇，我知大家最想有踩界的成人互動遊戲

早係5月已經有媒體報導Netflix 正尋找負責進軍遊戲產業的高階主管級良將，並著重提供類似 Apple Arcade 或 Xbox Game Pass 訂閱服務組合方案。如今Netflix果然搵來 Mike Verdu 出任遊戲開發副總裁，且直接隸屬CEO Greg Peters 一人之下。《Bloomberg》報導，Netflix 會係明年內提供遊戲，並將遊戲與其他串流媒體內容列為全新上架類型，類似於紀錄片或其他內容，無需收取額外費用。

至於今次新請返來的高人Mike Verdu 曾係係多間公司擔任高層，包括 Zynga 等遊戲公司工作，曾領導過EA Mobile 一年，最近則係Facebook 工作，收購一連串 Oculus 遊戲開發商，例如《Population：One》VR 大逃殺遊戲的製造商 BigBox VR。外界相信Netflix將會靠佢帶領突破影視媒體樽頸，嘗試走向全新領域加入遊戲整合於影視作品當中。

Netflix 遊戲界初試啼聲之作包括有簡單玩過選擇故事的《黑鏡：潘達斯奈基》（Black Mirror: Bandersnatch）和Carmen Sandiego之類的互動功能，以及《怪奇物語》（Stranger Things）等手機授權遊戲。當然好可能佢地未來可以搞出更強大的遊戲。Netflix 官網同時招募緊互動體驗產品設計師與產品創新互動總監等新職位，完全可見Netfix下一步係發展遊戲事業融入影視帶領全新沉浸式觀賞領域。