Sony正式係日本發表最新第三代LSPX 玻璃音響系列LSPX-S3，係一個貌似玻璃蠟燭的無線藍芽喇叭。憑藉悅耳的音樂與浪漫的燈光為你營造最迷人激動的時刻。今次新一代回歸根本音樂與實用性，將上代無用的 Wi-Fi 功能取消，同時亦不具 Hi-Res 音質，不過就加上360 Reality Audio 技術，讓用家感受 3D 式的立體音效。

今次新型玻璃無線喇叭外型風格上，實物同上一代玻璃管相比係加長左兩CM，據廠方所稱增長設計會令聲音更為自然，除此之外，低頻的單體口徑由 36mm 增加到 46mm，中低頻的表現亦比前代更好，不過由於不再具備 Hi-Res 音質認證，因此重播頻率只約 20Hz-20kHz， 放大器方面採用了 S-Master 技術，提供 8W 的輸出功率，但較前代的 11W 為低 ，但就能夠提供最好的壓縮音樂重播。

Sony LSPX-S3 具有高階垂直驅動技術。產品可見有三個驅動器連接到有機玻璃的末端，振動玻璃高音喇叭以向各個方向傳播聲音。Sony表示設計應該會產生一種全方位的、充滿房間的聲音，無論你坐係邊度，聲音都一樣。Sony稱其為360 Reality Audio 技術。除左係一個藍芽喇叭，佢LSPX-S3作為一枝燈，擁有四種照明模式同有32段亮度感應發光的LED燈光，擁有模擬燭光模式。係藍牙規格方面現為 version 5.0，支援藍牙立體聲配對功能，同時機身具備 S-Master HX 技術，並內置指向性電容咪高峰作通話之用，續航力方面，內置電池約提供 8 小時的音樂重播。LSPX-S3 雖然喇叭燈仔細細不過相當耐用。

如果你想買返一枝玩下氣氛同音樂，絕對唔好錯過LSPX-S3。呢款LSPX-S3 將於8月起以 315 英鎊價格發售。如果想玩埋立體聲，就要買一對組合成為兩聲道喇叭 。