動漫嘅影響力相信唔使我多講，大部份主要角色都會深受Fans愛戴，甚至幫佢慶祝生日等等。而近日泰國就有一場活動，就係為漫畫入面喪生嘅動漫人物進行悼念儀式，其中包括正義及壞人的一方。

今次為動漫人物舉行悼念活動嘅係一名泰國名叫Jinnipha Nivasabut嘅藝術家，佢喺自己位於曼谷嘅畫廊牆上掛滿數十位喺動漫故事入面喪生嘅動漫角色畫像，甚至更喺畫前擺放祭品，令成件事感覺更加真實。

被悼念嘅動漫人物包括：《火影忍者》、《鬼滅之刃》、《進擊的巨人》等數十位大家熟悉不過已經喪生嘅角色。而藝術家今次選擇以油畫方式配以用色較暗沉嘅風格呈現畫作，因此令呢場悼念畫展氛圍更加莊嚴。

藝術家本人表示，佢想將呢啲動漫心物視為真實存在嘅人，所以盡可能將佢地畫成好似真實人物一樣，等大家一齊紀念佢地。