日本同台灣的鐵路出名吸引，尤其日本因為疫情致出行人數大減，老牌鐵路便當面臨經營困難反而逼出強大「小宇宙」並成功掀起了一波鐵路便當熱潮。當中盛產松阪牛產地三重縣就有一款松阪牛便當備受關注，單睇高級松阪牛已經流哂口水，個超靚牛牛餐盒仲內有玄機，打開會播放音樂好似舊時聖誕卡咁播放日本童謠〈故鄉〉（ふるさと）。最重要呢個「哞太郎便當」只賣1500日圓。天呀我真係好想飛去日本買鐵路便當。

去日本歎高級松阪牛真係不敢再回想，仲要有音樂呀！到底點解日本的鐵路便當可以咁「正」。不過求求港鐵唔好抄人千祈唔好學人出便當，無論大便當定小便當，我地只想食日本或台灣鐵路便當。今次介紹的係日本三重縣松阪市名產鐵路便當「哞太郎便當」。經過日本電視台的「鐵路便當」專題報導，如今三重縣松阪市的招牌便當老店「駅弁のあら竹」大紅！佢地話題之作係會播放音樂的「哞太郎便當」！

「哞太郎便當」唔單止賣相極之吸引選用高級松阪牛飯，仲暗藏玄機，史無前例將音樂播放放入便當中，只要打開打開牛頭狀的便當盒……盒內竟然會傳出音樂聲！！！係當地經典的日本童謠〈故鄉〉（ふるさと），係咪睇報導已經想「返家鄉」旅遊！？

呢款便當係蓋內側藏左播音機關，一旦偵測到光線，就會開始播放日本童謠〈故鄉〉（ふるさと）。類似機關係日本的鐵路便當歷史上從來未出現過，因此問世之後馬上就引發話題！呢個便當只賣1500日元，相信如果紅到去大陸佢地麼該可以速遞轉賣1500人民幣。