為保障市民健康，近年唔少國家陸續制定全面禁煙政策，其中英國更打算最快2030年成為「無煙國家」。近日全球最大煙草商菲利普莫里斯國際就出奇地表示支持，CEO Jacek Olczak就將香煙比喻成燃油車，認為傳統捲煙應該要淘汰，意味住旗下品牌萬寶路（Marlboro）香煙即將喺英國消失。

Jacek Olczak表示公司期望見到無煙世界，愈早實現對所有人都愈好，預計英國喺10年之內就可以徹底解決香煙問題，並希望停售傳統捲煙可以鼓勵市民戒煙，或改食電子煙/加熱煙，呢類危害性相對較小嘅產品。

事實上菲利普莫里斯國際早於今年3月就承諾過，來未公司一半收入將會嚟自非煙草產品，更喺早排斥資10億英鎊收購英國製藥公司Vectura，積極轉型為醫療保健公司。不過就引嚟反吸煙團體批評哋偽善，一邊叫人戒煙，一邊又叫人改食電子/加熱煙。好彩嘅係，現時英國政府唔似得香港咁全面禁電子煙（仲喺立法會傾緊，未完全落實），就算傳統捲煙停售，市民都有其他合法替代產品可以選擇。

溫馨提示：吸煙有害健康