相信各位玩具迷對MEDICOM TOY呢個牌子都唔會陌生，甚至屋企已經有幾隻BE@RBRICK。最近德國殿堂品相機品牌LEICA宣布同MEDICOM TOY合作，以LEICA M系列相機為原型，將經典設計與潮流時尚結合，推出大中華區限定限量公仔BE@RBRICK「M」。

今次合作由創意品牌3125C擔任設計指導，並由其團隊主設計師Mike Lam聯同LEICA設計師David Suh共同設計，整體採用黑銀配色呼應LEICA嘅M系列相機，而機身公仔正面亦印有標誌性嘅紅色LEICA LOGO，展現潮流個性同時，亦向傳奇旁軸相機致敬。

除咗係一件潮流玩物之外，BE@RBRICK 「M」亦具一定實用性，其中100%及400%尺寸組合套裝配有LEICA獨家訂製相機繩以及多功能相機套，可以放入400%尺寸嘅公仔，或LEICA M系列相機（視乎用咩鏡頭），令呢隻400%尺寸嘅BE@RBRICK成為史上第一隻可以斜孭嘅產品，亦係時尚及攝影愛好者嘅必備潮物。

LEICA x MEDICOM TOY BE@RBRICK 「M」系列共有1000%、400%及100%三種尺寸，1000%尺寸售價為$6,880；400%及100%尺寸會以組合套裝形式發售，售價為$3,480。有興趣嘅朋友，可以喺8月9至15日期間到Leica Camera Facebook或Instagram登記抽籤，中籤者將會喺8月17至18日收到確認訊息，8月21日正式開賣。