相信各位鍾意玩FPS遊戲嘅朋友，今年最期待莫過於10月22日正式發售嘅《Battlefield 2042》，可惜連公測都未開始，最近有知名外掛商就賣晒廣告話已經準備好自瞄、透視、作弊雷達等外掛，仲信誓旦旦咁話唔會被偵測到，就連家機玩家都可以使用。

該外掛商名為「iwantcheats」，自稱從2006年開始就研發《Battlefield》系例作弊程式，註冊會員人數（即係客仔）更高達120萬，隊團成員都係擁有超過25年相關經驗嘅工程師，確保客戶能夠「安全」地贏得每一場比賽。

自瞄、透視、作弊雷達功能一應俱存。

雖然玩開FPS遊戲嘅朋友都知道外掛係無可避免，但連公測都未出就有外掛嘅情況實屬罕見，除咗已簽NDA保密協議嘅遊戲媒體同「被選中嘅玩家」能夠喺8月12-15日搶先體驗遊戲，一般已預購嘅玩家最快都要9月先可以玩公測，所以外掛商似乎喺個短短幾日封測就研發出對應作弊程式，都唔知係外掛商勁，定係EA個防外掛系統太苴（讀音：渣）。