{ SKIP }
文:MenClub 摯樂  圖:互聯網
POSTED ON 26 Aug 2021
【掛住打機】樂聲推出可掛頸穿戴沉浸式遊戲喇叭系統體驗極致遊戲音效

想打機好聲又嫌帶住耳機好侷促,可以考慮試試全新樂聲牌掛頸式遊戲喇叭SC-GN01,掛上內置四個全頻單元提供“逼真的環繞聲”沉浸式靚聲體驗。唔止方便靚聲有型靚仔,SC-GN01有三種特定於遊戲的音頻模式可供選擇,玩家可以用《第一人稱射擊遊戲》模式感受最準確的音頻定位,聽腳步聲就可以感應敵人。另有“Voice”模式會優化人聲以提高對話的清晰度,用來玩H game係唔錯選擇。最後日本人仲推出一個“角色扮演遊戲”模式,稱會為Final Fantasy XIV Online等作進行優化。除左聲優仲內置高性能降噪及迴聲消除雙咪高峰打機團隊溝通絕無問題,無論你想打機、睇電影定演唱會,掛住係頸閉上眼應該唔記得自己對住屋企部電視機!

樂聲牌掛頸式遊戲喇叭SC-GN01定位係遊戲喇叭,不過佢其實除左以上提到遊戲模式仲有影院模式,適合打完機想睇下戲的朋友仔。呢個帶上頸的喇叭重 244g, 可以通過 USB 充電,不過暫時樂聲廠方尚未透露一次充電可持續使用幾長時間。樓上睇到聲音選擇可以有“角色扮演遊戲”模式並對應Final Fantasy XIV Online進行優化其中一個原因係因為呢個喇叭係Square Enix 和 Final Fantasy XIV Online 合作設計出品!


SC-GN01樓上提到過內置左四個全頻發聲喇叭單元,可提供高達 4W 的總功率輸出。板載連信號處理器可以係適當的情況下將聲音軌道向上或向下混合到四通道中。 SC-GN01唔算太重可以提供足夠舒適,長時間佩戴在肩上,“不會似遊戲耳機般夾住耳朵或使耳朵過熱”。呢個喇叭裝置將於 2021 年 9 月下旬推出,並將通過Amazon作全球獨家發售,價格約港幣1600。對應 PC、PS4、PS5、Xbox Series X /S、Xbox One 等等,係近期新出耳機以外值得考慮的個人隨身視聽裝置。



Ubisoft自從宣佈推出有黑人「武士」彌助做主角嘅《Assassin's Creed: Shadows》之後,就因為被批評「過份政治正確」而處於輿論嘅浪口風尖之上。而近日有國外YouTuber引述Ubisoft內部員工爆料,除咗爆出更多關於《Sha ...
hobby
【電玩】Ubisoft爭議又再發酵 業界人士爆廠商將「偷渡」政確元素
02 Oct 2024
隨住《人中之龍》真人版劇集《人中之龍 ~Beyond the Game~》將於本月底正式上架,官方日前公開正式預告,大家覺得還原度如何呢?
hobby
【影視】《人中之龍》真人版劇集預告公開 10月底登陸Prime Video
02 Oct 2024