Toyota農夫車除左恐怖份子最愛，連烏克蘭正規軍都使用，最近烏克蘭國防部正式採購 Toyota Hilux 通過改裝公司 Ukrainian Armor改裝成軍規裝甲車「羚羊（Saigak）」，作為國防輕型戰術車，全面取代服役 50 年的老舊蘇聯時代 UAZ-469 戰術輪車。豐田Hilux作戰能，豐田能！

話哂都係烏克蘭軍方戰術軍車，又唔會直接買直接使用，話說剛好烏克蘭有間改裝廠Ukrainian Armor 原先以生產防彈背心與防彈板起家，係 2014 年烏克蘭發生克里米亞危機後，開始設計生產裝甲車輛，然後Ukrainian Armor 廠通過成功入標，先同波蘭的 Glomax 合作，取得 Toyota 授權，改裝旗下熱門農夫車 Hilux 成為軍用規別水準，並贏得烏克蘭國防部向國內廠商發出全新 4X4 戰術輪車的招標競標。

烏克蘭軍隊一直使用老舊的 50 年的蘇聯時代 UAZ-469 戰術輪車，不過UAZ-469實在太舊式，如今已經無法係實戰使用，因此 Ukraianian Armor 參考左好多係頓巴斯（Donbas）作戰的退役軍人經驗，將豐田Hilux 修改為更符合戰區需求的軍用車輛。新戰術輪車將以 2020 年出產的小改款六代 Hilux 為基礎，軸距為 3,085 公釐、長 5,345 公釐、寬 1,855 公釐、高 1,815 公釐，搭載一部 3.0 升柴油引擎，Ukraiaian Armor 將會對底盤、輪軸、懸吊和傳動系統進行改造，以符合北約組織軍用輪車標準。

豐田Hilux多年以來一直以堅固耐用、好開省油聞名於世，加上唔難入手，因此全球打仗叛軍當中實見到其蹤影，日本Toyota廠方固然感到尷尬，不過戰場上口碑滿滿，各國軍方尤其軍費預算非常有限的國家都好輕易將眼光轉向呢款潛力十足嘅車款。Ukrainian Armor 表示，目前原型車已經實車測試當中，順利嘅話預計 9 月或 10 月就可以開始交貨，烏克蘭軍方將優先裝備東部區域如頓巴斯和Donetsk守軍，提升衝突區域部隊的機動能力。其實唔止烏克蘭、捷克軍隊都有使用作為軍用車！